Католікі святкуюць Пяцідзесятніцу: Бог не пакідае нас адных
- Written by Katolik.life
- Published in Царква
- Add new comment
Важна прасіць аб Духу Святым кожны дзень - жыццё таго, хто атрымлівае Яго, цалкам змяняецца
У нядзелю Каталіцкая Царква святкуе Пяцідзесятніцу, або Спасланне Святога Духа - адно з галоўных хрысціянскіх святаў. Пяцідзесятніца завяршае Велікодны перыяд.
- Гасподзь не пакідае нас адных і пасылае Святога Духа. Ён хоча, каб мы не былі ў стане трывогі, страху. Ён умацоўвае нас, як мацаваў апосталаў: Ён не мог пабудаваць свой Касцёл толькі на іх, таму што яны, як і ўсе мы, людзі вельмі слабыя. Таму пасылае Святога Духа і з Яго дапамогай нараджаецца Царква. І ў выніку сёння хрысціянства - самая масавая рэлігія свету. Больш за ўсё людзей у свеце вераць у тое, што Хрыстос памёр за нашыя грахі і ўваскрос дзеля таго, каб мы мелі жыццё вечнае, - гаворыць святар.
- І мы з дапамогай Святога Духа кажам, што Хрыстос - наш Бог. Але важна, каб мы не казалі гэта толькі самім сабе. Святы Дух робіць кожнага з нас місіянерам. Але неабавязкова ехаць прапаведаваць у Афрыку або Азію, можна быць місіянерам ў сваёй сям'і, там, дзе ты жывеш.
- Пяцідзесятніца - гэта не адзін дзень у годзе. Ад таго моманту, калі Гасподзь паслаў Святога Духа апосталам, Пяцідзесятніца доўжыцца да гэтага часу, кожны дзень. Таму ўсім нам важна прасіць аб Духу Святым кожны дзень - жыццё таго, хто атрымлівае Яго, цалкам змяняецца, - заклікае святар.
Пяцідзесятніца мае сваю назву ад 50-га дня пасля Вялікадня, калі на апосталаў сышоў Святы Дух у выглядзе вогненных языкоў. Пасля гэтага яны пачалі гаварыць на розных мовах і неўзабаве разышліся па ўсіх баках свету, каб абвяшчаць Евангелле народам на іх родных мовах.
Свята Пяцідзесятніцы злучае радасць, весялосць і глыбокі малітоўны настрой (чытайце падрабязна пра дары, плады Духа Святога, пра тое, як адкрыць для Яго сваё сэрца).
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»