Праграма ўрачыстасці Ўсіх святых і Дня памінання памерлых у Гомелі
- Written by katolik-gomel.by
- Published in Навіны - Гомель
- Add new comment
Запрашаем узнесці хвалу Богу за жыццё тых, хто быў сведкам любові і міласэрнасці Госпада.
У Дзень усіх святых - 1 лістапада - святочныя Імшы пройдуць у гомельскай рыма-каталіцкай царкве ў 8.00, 12.00 і 19.00. Таксама 1 лістапада ў 16.00 на Навабеліцкіх могілках адбудзецца малебен на месцы пахавання каталіцкіх святароў.
Пробашч запрашае ўзнесці хвалу Богу за жыццё тых, хто быў сведкам любові і міласэрнасці Госпада на зямлі, тых, каго па праве могуць называць святымі. Напярэдадні набажэнства святар просіць дапамагчы навесці на магілах парадак.
У сераду, 2 лістапада - у Дзень памінання ўсіх памерлых вернікаў - святыя Імшы ў касцёле пройдуць таксама ў 8.00, 12.00 і 19.00. А ў 16.00 адбудзецца малебен ля крыжа на 9-м кіламетры Чарнігаўскай шашы (на павароце ў Цэнтр радыяцыйнай медыцыны) - на месцы, дзе забойцы НКУС здзяйснялі масавыя расстрэлы, у тым ліку святароў і свецкіх вернікаў. Гэта адно з месцаў масавых расстрэлаў ахвяраў бальшавіцкага тэрору ў перыяд 1919-1940 гг.
Пробашч адзначае, што ў народзе дзень 2 лістапада называюць таксама «Дзяды», што не зусім дакладна, паколькі гэта назва прыйшла з паганскай традыцыі. Лепш называць гэтую дату Днём памінання памерлых вернікаў.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы