Гамяльчанін прымаў хрост і браў шлюб у адзін дзень [фота]

Чэрвень 23, 2013
Written by gomel.catholic.by
Published in Навіны - Гомель
Comments (5)

Аляксандр Амон прыйшоў у гомельскі касцёл паўгады таму і вырашыў даверыць сваё жыццё Хрысту.

Незвычайная ўрачыстая падзея адбылася ў гомельскай рыма-каталіцкай парафіі 23 чэрвеня. На нядзельнай Святой Імшы малады чалавек Аляксандр Амон прымаў сакрамэнт хросту, а затым адразу ж уступіў у царкоўны шлюб са сваёй жонкай Марынай. - Шляхі Гасподнія сапраўды невыведныя: калі Аляксандр ўпершыню зайшоў у царкву, ён і не думаў, што хутка вось так будзе стаяць ля алтара. Бог выкарыстоўвае нечаканыя моманты ў жыцці чалавека, каб пацягнуць яго за сабой, - сказаў падчас гаміліі айцец Славамір.

- Як кажа сёння Евангелле, хто хоча душу сваю ўратаваць, той страціць яе, а хто страціць душу сваю дзеля Хрыста, той знойдзе яе. Аляксандр і Марына ўжо пачалі разумець таямніцу гэтых словаў. Бо любіць - гэта значыць памерці для сябе і жыць для іншых. Сужэнцы сустрэліся з уваскрослым Езусам і вырашылі ісці за Ім. Яны ўжо зразумелі, што чалавечай любові не хапае для сапраўдных адносін.

Tagged under

Related items