Больш за 30 шматдзетных сем'яў налічваецца ў гомельскай каталіцкай парафіі
- Written by admin
- Published in Навіны - Гомель
- Comments (3)
У трэці раз бацькамі сталі сужэнцы Казубенка і распавялі, чаму не баяцца прымаць дзяцей, якіх дае Бог.
14 кастрычніка гомельская маладая сям'я Казубенка стала шматдзетнай - у 6 гадзін раніцы ў Мікалая і Марыі нарадзілася трэцяе дзіця, дзяўчынка, якую назвалі Тэрэзай. Сужэнцы Казубенка - даўнія вернікі касцёла, а сталі адной сям'ёй усяго некалькі гадоў таму, пасля таго, як Бог у корані змяніў іх жыццё. Мікалай і Марыя, якія да гэтага часу шукалі сваю волю, пагадзіліся з воляй Бога, абвянчаліся, і цяпер прымаюць Яго падарункі.
- Мы не баімся прымаць новых дзяцей, бо не мы даем жыццё, а Бог. І калі Ён дае яго, то дае і ўсё неабходнае для жыцця. Мы зразумелі, што не трэба баяцца, а трэба ісці следам за Ім і прымаць усе Яго дары, незалежна ад таго, радасныя яны ці сумныя. А калі Гасподзь дае новае жыццё - гэта заўсёды велізарная радасць не толькі для сям'і, але і для ўсіх навакольных, - кажа Мікалай Казубенка.
У цэлым, у гомельскай рыма-каталіцкай парафіі Нараджэння Божай Маці ўжо больш за 30 шматдзетных сем'яў. Прычым, многія сужэнцы выхоўваюць не толькі па тры, але і па чатыры, па пяць дзяцей.
Related items
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Штосьці незвычайнае зладзілі ў мінскім касцёле: набажэнства спалучылі з перфомансам
- «Дзіця электрычкі» вандруе па Беларусі ў пошуках цікавых храмаў і драўляных хат
- Мільён праглядаў у TikTok! Папулярны кантэнт стварае каталіцкі хор з Ліды