Па галоўнай вуліцы Гомеля католікі правялі працэсію Божага Цела [фота]
- Written by katolik-gomel.by
- Published in Навіны - Гомель
- Add new comment
Езус асвячае нашы дамы, месцы працы і заклікае: "Прыйдзіце да мяне, усе струджаныя і прыгнечаныя".
У нядзелю, 18 чэрвеня, каталіцкія вернікі Гомеля правялі традыцыйную працэсію Божага Цела. Напярэдадні, 15 чэрвеня, у Каталіцкай царкве адзначалі свята Цела і Крыві Хрыстовых.
Шэсце з Найсвяцейшым Сакрамэнтам (Целам Ісуса Хрыста) з удзелам каля 200 чалавек прайшло ад касцёла да Дома міласэрнасці сясцёр Маці Тэрэзы па вуліцы Савецкай. Працэсія Божага Цела - гэта ўрачыстае шэсце з Найсвяцейшым Сакрамэнтам па вуліцах населенага пункта, якое праводзіцца, каб дабраславіць горад, нагадаць пра ахвяру Хрыста і засведчыць аб сваёй веры.
- Ісус асвячае нашы дамы, месцы працы і заклікае: «Прыйдзіце да мяне, усе струджаныя і прыгнечаныя, і Я супакою вас», - сказаў біскуп Казімір Велікаселец, які ўзначаліў шэсце.
Працэсія спявала, слухала чытанні з Евангелля і малілася за горад, за краіну, за ўвесь свет, за дамы і працоўныя месцы, за тое, каб Гасподзь бярог ад голаду і вайны. Па дарозе дзяўчынкі абсыпалі пялёсткамі кветак дарогу для Езуса, прысутнага ў Найсвяцейшым Сакрамэнце пад выглядам хлеба.
Нагадаем, нядаўна тысячы католікаў прайшлі ў працэсіі Божага Цела па цэнтры Мінска.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў