У Гомелі пачаў служыць новы каталіцкі святар - Андрэй Багдановіч [фота]
- Written by katolik.life
- Published in Навіны - Гомель
- Add new comment
«Я маю вялікую радасць ад таго, што магу быць карысны Богу на гэтым месцы».
26 лістапада, ва ўрачыстасць Езуса Хрыста - Валадара Сусвету, у гомельскай рымска-каталіцкай парафіі афіцыйна пачаў служэнне новы святар - Андрэй Багдановіч. Новапрэзбітэр правёў сваю першую ўрачыстую святую Імшу і блаславіў усіх удзельнікаў службы.
- Калі я цяпер стаю тут перад вамі ў якасці святара, значыць, я магу чымсьці спатрэбіцца Богу на гэтым месцы, быць Яму карысным. І я маю ад гэтага велізарную радасць, - падзяліўся кс. Андрэй.
Нагадаем, 11 лістапада 2017 года ў катэдральным касцёле ў Пінску падчас святой Імшы, якую ўзначаліў біскуп Пінскі Антоні Дзям'янка, сан святара атрымаў 24-гадовы Андрэй Багдановіч. Апошнія чатыры месяцы ў якасці дыякана ён служыў у гомельскай рымска-каталіцкай парафіі Нараджэння Божай Маці. Ужо святаром ён вярнуўся ў Гомель і працягне тут сваю пастырскую дзейнасць.
Андрэй Багдановіч нарадзіўся 4 лістапада 1993 г. у вёсцы Палонка Баранавіцкага раёна. У 2011 годзе паступіў у Міждыяцэзіяльную вышэйшую духоўную семінарыю імя св. Тамаша Аквінскага ў Пінску. 22 кастрычніка 2016 гады ён стаў дыяканам. Чытайце яго інтэрв'ю пра гісторыю паклікання.
Нагадаем, раней у гомельскай каталіцкай парафіі служылі польскія святары, шмат гадоў пробашчам быў кс. Славамір Ласкоўскі, які арганізаваў парафію, пабудаваў храм і зрабіў шмат іншых добрых для горада спраў. Нядаўна новым пробашчам стаў беларус Юрый Варанко.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў