Папа Францішак асвяціў камень з Назарэта для новага касцёла ў Гомелі
- Written by Katolik.life
- Published in Навіны - Гомель
- Add new comment
Неўзабаве ў Савецкім раёне горада чакаецца пачатак будаўніцтва каталіцкай святыні.
Падчас нядаўняга візіту ad limina Apostolorum каталіцкіх біскупаў Беларусі ў Ватыкан Папа Рымскі Францішак асвяціў камень з Назарэта, які будзе закладзены ў падмурак новага каталіцкага храма ў Гомелі. Пра гэта Пантыфіка папрасіў біскуп Казімір Велікаселец. Гэты невялікі камень ён прывёз раней з роднага горада Езуса Хрыста падчас нацыянальнай пілігрымкі ў Святую Зямлю. І цяпер аб асвячэнні каменя, прывезенага спецыяльна для будучага касцёла ў Гомелі, ён папрасіў Папу, распавёў іерарх Katolik.life пасля вяртання з Рыма.
Адраджэннем ў абласным цэнтры гістарычнай парафіі Унебаўзяцця Найсвяцейшай Панны Марыі біскуп Казімір займаецца ўжо шмат гадоў, неўзабаве запланаваны пачатак будаўніцтва аднайменнага храма ў Савецкім раёне Гомеля. Раней касцёл знаходзіўся ў цэнтры горада, але быў узарваны прадстаўнікамі савецкай улады. Святары былі расстраляныя, многія вернікі былі рэпрэсаваныя і таксама забітыя або адпраўленыя ў ссылку.
Пакуль у 500-тысячным Гомелі ёсць толькі адзін каталіцкі храм, які ў нядзелі і асабліва ў вялікія святы не змяшчае ўсіх жадаючых удзельнічаць у святой Імшы.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні