9 сакавіка, пятніца, 19.00. Езус чакае
- Written by Katolik.life
- Published in Навіны - Гомель
- Add new comment
Набажэнства «24 гадзіны для Пана» пройдзе ў касцёлах усяго свету, таксама - у Гомелі.
9-10 сакавіка ў каталіцкіх святынях свету па ініцыятыве Папы Рымскага Францішка будзе праходзіць набажэнства «24 гадзіны для Пана», спалучанае з адарацыяй Найсвяцейшага Сакрамэнту. Такія набажэнствы пройдуць у многіх касцёлах Беларусі. У гомельскай парафіі Езус у Найсвяцейшым Сакрамэнце чакае вернікаў прыкладна а 19-й гадзіне. У гэты час, пасля святой Імшы, распачнецца Крыжовы шлях, а затым - Адарацыя з магчымасцю споведзі. Набажэнства працягнецца да 22 гадзін.
Нагадаем, у сваім пасланні на Вялікі пост Папа заклікаў каталіцкіх вернікаў горача выйсці на велікапосны шлях, абапіраючыся на міласціну, пост і малітву. Добрай падтрымкай ён назваў агульнакасцёльную ініцыятыву «24 гадзіны для Пана», бо яна з’яўляецца стымулам для таго, каб сакрамэнт пакаяння ажыццяўляўся ў кантэксце эўхарыстычнай адарацыі. Ён заклікаў, каб у кожнай дыяцэзіі свету па меншай меры адзін храм заставаўся адчыненым на працягу ўсіх сутак.
Францішак пажадаў, каб кожны вернік перажыў досвед вучняў Эмаус, каб сэрца кожнага зноў запалымнела верай, надзеяй і любоўю.
Related items
- Такі падарунак – толькі ад байкераў. Мотасезон яны адкрылі ў касцёле
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне