Біскуп Казімір Велікаселец наведвае з «калядой» жыллё гомельскіх каталікоў
- Written by katolik-gomel.by
- Published in Навіны - Гомель
- Comments (6)
Абрад асвячэння жылля праводзіцца для выгнання злога духа і Божага дабраславення сям'і.
Традыцыйна ў пачатку года каталіцкія святары наведваюць сваіх вернікаў з душпастырскім візітам, падчас якога асвячаюць іх дамы і кватэры. Падчас «каляды» біскуп Казімір Велікаселец і вікарый парафіі айцец Дамінік Шыманскі наведалі ўжо дзесяткі сем'яў.
- Дом трэба асвячаць як мінімум раз у год, - кажа кс. Дамінік. - Па-першае, таму, што ў хаце можа жыць злы дух, якога трэба выгнаць. А па-другое, каб прасіць Госпада аб дабраславенні гэтай сям'і, аб дапамозе Хрыста ў іх жыцці.
Абрад асвячэння жылля складаецца з невялікай малітвы святара разам з гаспадарамі дома і акрапленнем яго святой вадой.
Біскуп Казімір у першую чаргу наведвае каталікоў з Савецкага раёна Гомеля, нядаўна ён пабываў у доме даўніх парафіянаў касцёла - праваабаронцы Алеся Яўсеенкі і вядомага беларускага барда Вальжыны Цярэшчанкі (на фота).
Запіс на асвячэнне жылля працягваецца, кожны можа запрасіць дадому біскупа або вікарыя парафіі.
Related items
- Манах з Гудагая зрабіў арэлі для парафіі ў Мінску
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад