Папа моліцца аб здароўі гоншчыка Міхаэля Шумахера
- Written by katolik-gomel.by
- Published in Папа Францішак
- Add new comment
Таксама Францішак паабяцаў маліцца аб ахвярах ДТЗ.
Папа Францішак моліцца аб здароўі знакамітага аўтагоншчыка Міхаэля Шумахера. Пра гэта распавёў старшыня Міжнароднай аўтамабільнай федэрацыі і спецыяльны пасланнік ААН па дарожнай бяспецы Жан Тодт, пасля аўдыенцыі ў Святога Айца, якая прайшла 14 студзеня 2015 г. у Ватыкане.
Галоўнай тэмай сустрэчы была бяспека на дарогах. Пантыфіку быў прадстаўлены кароткі фільм аб пагрозах для жыцця дзяцей, звязаных з дарожным рухам. Адзначалася, што кожны дзень у свеце пад коламі аўтамабіляў гіне каля 500 дзяцей і каля 20 тыс. штодзённа атрымліваюць траўмы. Святы Айцец выказаў гатоўнасць малітоўна падтрымаць ініцыятывы па прадухіленні падобных трагічных здарэнняў.
Жан Тодт распавёў, што папрасіў Францішка маліцца ў інтэнцыі нямецкага гоншчыка “Формулы 1” Міхаэля Шумахера, і той паабяцаў яму гэта, паведамляе be.radiovaticana.va.
Нагадаем, аўтагоншчык Міхаэль Шумахер упаў на горным схіле ў французскіх Альпах, калі катаўся на лыжах, і паўгода прабыў у коме. Потым стаў паступова ісці на папраўку, лекары кажуць, што ў сяміразовага чэмпіёна свету ёсць шанцы вярнуцца ў спартыўную форму.
Related items
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў