Ватыкан прапануе выдаваць мігрантам у ЕС гуманітарныя візы
- Written by katolik-gomel.by
- Published in Царква
- Add new comment
Еўропа ніколі не думала сур'ёзна аб прычынах міграцыі - беднасці і вайне.
Кардынал Антоніа Марыя Вэльё раскрытыкаваў магчымыя ваенныя дзеянні супраць кантрабандыстаў у Міжземным моры. Напад на марскія суды без мандата ААН і без згоды Лівіі ў яе тэрытарыяльных водах будзе “ваенным актам”, сказаў старшыня Папскай рады пастырства эмігрантаў і падарожнікаў у каментары для інфармацыйнага агенцтва “Misna”. Ён назваў такі падыход спробай усталяваць “закон джунгляў”. Еўропа, на думку іерарха, “ніколі не думала сур’ёзна” аб праблеме міграцыі, як і аб двух прычынах гэтай з’явы – беднасці і вайне.
Кардынал Вэльё пацвердзіў ідэю Святога Пасаду аб выдаванні гуманітарных віз мігрантам, каб яны маглі ўехаць у Еўропу. Такая магчымасць у цяперашні час вывучаецца ватыканскімі дыпламатычнамі прадстаўніцтвамі, прызнаўся ён і дадаў, што ўжо зараз “мясцовыя Касцёлы маюць спосабы дапамагчы гэтым людзям”.
Сярод 28 краін-членаў Еўрасаюза толькі “чатыры-пяць” па-сапраўднаму зацікаўлены сітуацыяй “марскіх бежанцаў”, з жалем адзначыў ватыканскі іерарх.
Нядаўна ЕС вырашыў распачаць шматступенны працэс супраць кантрабандыстаў з Лівіі. Не выключаюцца таксама ваенныя аперацыі ў лівійскіх партах і на тэрыторыі краіны.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну