Ці грэх спрабаваць «лёгкія» наркотыкі, марыхуану і спайс?
- Written by Евгений Корженевский
- Published in Размовы са святаром
- Comments (2)
Нават калі хрысціянін жыве ў краіне, дзе «лёгкія» наркотыкі легалізаваныя, ён усё роўна не павінен ужываць іх.
Ужыванне наркотыкаў, якімі б яны ні былі, - гэта заўсёды грэх, кажа вікарый гомельскай рыма-каталіцкай парафіі айцец Дамінік Шыманскі:
- Паленне тытуню, ўжыванне алкаголю - гэта таксама грэх, бо гэта шкодзіць здароўю і жыццю чалавека, але паленне наркотыкаў, як я лічу, гэта яшчэ большы грэх. Таму што наркотыкі змяняюць свядомасць. Напрыклад, пасля палення марыхуаны або спайса чалавек можа зрабіць нешта, чаго не зрабіў бы ў нармальным стане.
- Ці можна сказаць, што наркаманія - гэта такі ж грэх, як і алкагалізм?
- Не, нельга ставіць грахі на адны вагі, бо ў кожнага чалавека свае асаблівасці. Сумленне кожнага канкрэтнага чалавека не з'яўляецца аб'ектыўнай маральнай нормай. Кожны чалавек павінен працаваць над сваім сумленнем, і ў кожнага гэтая праца будзе сваёй, асаблівай. Таму так важная асабістая споведзь, удзел у Эўхарыстыі - у тым, што фармуе нашае сумленне.
- А грэх ці ўжываць «лёгкія» наркотыкі ў тых краінах, дзе яны афіцыйна дазволеныя?
- Бывае, што законы дзяржавы разыходзяцца з законамі Божымі. У многіх краінах, да прыкладу, дазволены аборт, але Царква заўсёды абараняе жыццё, а аборт - гэта забойства. Таму, калі законы дзяржавы разыходзяцца з Божымі законамі, у першую чаргу хрысціянін выконвае Божыя законы. Так і ў выпадку з «лёгкімі» наркотыкамі: калі хрысціянін жыве ў краіне, дзе яны легалізаваныя, ён усё роўна не павінен ужываць іх.
Related items
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Мільён праглядаў у TikTok! Папулярны кантэнт стварае каталіцкі хор з Ліды
- Дзіўныя паштоўкі выпусціла «Белпошта» да Вялікадня: чаму трус?
- Чаму ў высакосны год адбываецца больш катастроф, патлумачылі вернікі
- Валанцёры і вернікі адвезлі 100 кг перадач арыштаваным за кветкі Навальнаму