Апублікавана ВІДЭА-пасланне Папы аб малітвах на верасень
- Written by katolik-gomel.by
- Published in Папа Францішак
- Add new comment
Францішак заклікаў да малітвы аб асабістым укладзе ў агульную справу.
5 верасня 2016 г. Ватыканскі тэлецэнтр распаўсюдзіў праз свой канал у “Youtube” чарговы відэаролік са зваротам папы Францішка, у якім ён паведамляе і тлумачыць сваю малітоўную інтэнцыю на верасень. У гэтым месяцы Пантыфік заклікае асаблівым чынам маліцца, “каб кожны чалавек рабіў унёсак у супольнае дабро і ў будаванне грамадства, якое ставіць у цэнтры чалавечую асобу”.
Відэапасланне пачынаецца кадрамі, якія дэманструюць аўтаматызаваную вытворчасць і машыны, якія замяняюць чалавека. У пэўны момант адбываецца збой у працы канвеера, які выпраўляе мужчына ў інвалідным вазку. Затым паказваюцца сцэны салідарнай працы людзей розных полаў, нацыянальнасцяў і ўзростаў.
За кадрам Францішак кажа, што “чалавецтва перажывае крызіс, які з’яўляецца не толькі эканамічным і фінансавым, але таксама экалагічным, адукацыйным, маральным і чалавечым”.
Па словах Святога Айца, калі гаворка ідзе пра крызіс, гаворка ідзе не толькі пра рызыкі, але і пра магчымасці. У цяперашняй сітуацыі такой магчымасцю, на яго думку, з’яўляецца салідарнасць. “Прыйдзі, дапамажы мне!”, - заклікае ў сваім пасланні Папа.
Трэба нагадаць, што Пантыфік заўсёды, апрача агульнай, прапануе яшчэ адну інтэнцыю – евангелізацыйную. У ліпені ён запрашае маліцца, “каб хрысціяне, прыступаючы да сакрамэнтаў і разважаючы над Святым Пісаннем, усё лепш усведамлялі сваю евангелізацыйную місію”.
Media
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Манах з Гудагая зрабіў арэлі для парафіі ў Мінску
- Ватыкан не паведамляў аб адмове Папы Рымскага ад удзелу ў мірным саміце па Украіне