За сацсеткі і супраць карупцыі: якія інтэнцыі Папы на 2018 год
- Written by Katolik.life
- Published in Папа Францішак
- Add new comment
Публікуем малітоўныя намеры Пантыфіка, каб на працягу год злучацца з ім у агульнай малітве.
Сталі вядомыя малітоўныя намеры Папы Рымскага на 2018 год. Кожны месяц прызначаецца адна папская інтэнцыя, па чарзе, - або евангелізацыйная, або паўсюдная. Штомесячную інтэнцыю Пантыфіка неабходна ведаць малітоўным групам, напрыклад, гурткам «Жывога Ружанца», якія далучаюцца да Папы ў малітве. Таксама кожны каталіцкі вернік можа звяртацца да Бога ў малітоўным намеры Пантыфіка.
Студзень. Евангелізацыйная інтэнцыя: Каб у азіяцкіх краінах хрысціяне разам з іншымі рэлігійнымі меншасцямі маглі жыць сваёй верай у поўнай свабодзе.
Люты. Паўсюдная інтэнцыя: Каб тыя, хто мае матэрыяльную, палітычную ці духоўную ўладу, не дазволілі, каб імі кіравала карупцыя.
Сакавік. Евангелізацыйная інтэнцыя: Каб увесь Касцёл прызнаў вострую неабходнасць фармацыі да індывідуальнай і супольнаснай духоўнай дасведчанасці.
Красавік. Паўсюдная інтэнцыя: Каб адказныя за ідэі і спосаб кіравання ў эканоміцы мелі мужнасць адкідваць эканоміку выключэння, каб мець магчымасць адкрываць новыя шляхі.
Май. Евангелізацыйная інтэнцыя: Каб свецкія вернікі выконвалі сваю асаблівую місію, выкарыстоўваючы ўласныя здольнасці, каб адказваць на выклікі сённяшняга свету.
Чэрвень. Паўсюдная інтэнцыя: Каб сацыяльныя сеткі спрыялі салідарнасці і пашане да іншай асобы ў іх разнастайнасці.
Ліпень. Евангелізацыйная інтэнцыя: Каб святары, якія ў працы і самотнасці жывуць душпастырствам, адчувалі сябе падтрыманымі і ўзмоцненымі сяброўствам з Панам і братамі.
Жнівень. Паўсюдная інтэнцыя: Каб глабальныя эканамічныя і палітычныя рашэнні абаранялі сем’і як скарб чалавецтва.
Верасень. Паўсюдная інтэнцыя: Каб моладзь на афрыканскім кантыненце мела доступ да адукацыі і працы на ўласнай Айчыне.
Кастрычнік. Евангелізацыйная інтэнцыя: Каб кансэкраваныя асобы абудзілі місійны запал і прысутнічалі сярод убогіх, прыгнечаных і тых, хто пазбаўлены голасу.
Лістапад. Паўсюдная інтэнцыя: Каб мова сэрца і дыялогу заўсёды пераважала над мовай зброі.
Снежань. Евангелізацыйная інтэнцыя: Каб асобы, уцягнутыя ў паслугу перадачы веры, здолелі знайсці мову, характэрную для сучаснасці, якая б падыходзіла для дыялогу з культурамі.
Related items
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад