У Рыме да смерці замёрз бяздомны. Вось што пра гэта сказаў Папа

Студзень 25, 2021
Written by KATOLIK.LIFE
Published in Папа Рымскі
Add new comment

Пантыфік заўважыў, што такія трагічныя здарэнні ўжо мелі месца ў мінулым

Святы Айцец глыбока засмучаны трагічнай гібеллю 46-гадовага нігерыйца па імені Эдвін, які памёр ад холаду 20 студзеня 2021 г. недалёка ад плошчы св. Пятра.

Пантыфік звярнуў увагу на гэты выпадак пасля малітвы “Анёл Панскі”, якая 24 студзеня прайшла ў Ватыкане. Ён заўважыў, што такія трагічныя здарэнні ўжо мелі месца ў мінулым.

“Будзем маліцца за Эдвіна. Няхай для нас стануць перасцярогай словы св. Грыгорыя Вялікага, які перад абліччам смерці жабрака ад холаду сцвердзіў, што ў гэты дзень не будзе цэлебраваць св. Імшу, бо гэта нібыта Вялікая пятніца. Падумаем пра Эдвіна. Падумаем, што адчуваў гэты 46-гадовы мужчына на марозе, ігнараваны ўсімі, пакінуты, таксама і намі. Памолімся за яго”, - заклікаў Святы Айцец.

vaticannews.va/be

Tagged under

Related items