Знайсці продкаў стала прасцей: у Беларусі запусцілі сістэму «Дапаможнік»
- Written by katolik-gomel.by
- Published in Соцыум
- Comments (10)
У інтэрнэт выклалі базу прозвішчаў у прывязцы да населеных пунктаў.
У адкрытым доступе ў інтэрнэце з'явілася база прозвішчаў беларусаў у прывязцы да населеных пунктаў. Пошукавую сістэму «Дапаможнік», якая дапамагае зрабіць першыя крокі людзям, якія збіраюцца складаць генеалагічнае дрэва і шукаць у архівах сваіх сваякоў, выклаў Беларускі навукова-даследчы цэнтр электроннай дакументацыі.
З дапамогай сістэмы helper.archonline.by можна знайсці населеныя пункты ўраджэнцаў з канкрэтнымі прозвішчамі. Напрыклад, увёўшы ўласнае прозвішча, карыстальнік даведаецца, у якіх населеных пунктах сучаснай Беларусі жылі яго цёзкі. І наадварот - па назве населенага пункта лёгка знайсці прозвішчы тутэйшых ураджэнцаў.
Сістэма працуе з прозвішчамі толькі на беларускай мове, паколькі кнігі «Памяць», адкуль чэрпалася інфармацыя, ствараліся менавіта па-беларуску. У цэлым у пошукавай сістэме тры графы для пошуку: «Паселішчы» (беларуская мова), «Паселішчы» (руская мова) і «Прозвішчы».
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў