«Люблю слухаць званы!» 14-гадовы школьнік - пра незвычайнае захапленне
- Written by KATOLIK.LIFE
- Published in Соцыум
- Add new comment
Юнак стварыў адмысловы канал на Youtube - пра касцёльныя званы
14-гадовы школьнік Ян з Мінску мае незвычайнае захапленне: ён любіць слухаць званы на каталіцкіх святынях, запісваць іх гучанне і здымаць на відэа. Юнак нават стварыў адмысловы канал на Youtube пад назвай Belarusbells.
- Захапляцца званамі я пачаў год таму, калі ўпершыню ўзняўся на званіцу ў бельгійскім горадзе Бруге. Здымаю, як гучаць званы, і выкладаю на свой канал. Люблю гучанне званоў менавіта ў каталіцкіх святынях, наведваю касцёлы. Больш за ўсё мне падабаецца слухаць званы на Чырвоным касцёле, архікатэдры Імя Найсвяцейшай Панны Марыі і Троіцкім касцёле ў Відзах. Памятаю, як упершыню пачуў званы архікатэдры: стаяў насупраць касцёла з камерай, глядзеў на званы і вельмі радаваўся. Калі стану дарослым, хачу перайсці ў каталіцызм. Таксама захапляюся мастацтвам, і мая мара - стаць мастаком, - гаворыць Ян.
Дарэчы, юнак не толькі запісвае гучанне званоў, але і малюе іх. Таксама цікавіцца архітэктурай: неаготыкай, готыкай, неарамантыкай, неакласіцызмам і віленскім барока.
Media
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная