Арыштаванаму святару з Віцебска пагражаюць крымінальнай справай
- Written by KATOLIK.LIFE
- Published in Соцыум
- Add new comment
Яго абвінавачваюць на падставе паведамленняў у чаце з выказаным асабістым меркаваннем
У праўладных пабліках з'явіліся публікацыі пра каталіцкага святара, пробашча парафіі Святога Духа, ксяндза Андрэя Вашчука, якога асудзілі на 15 сутак адміністрацыйнага арышту. Нагадаем, святара абвінавацілі ў "парушэнні парадку правядзення масавых мерапрыемстваў", але ў якім канкрэтна дзеянні ўгледзелі "незаконнае пікетаванне", невядома – суд праходзіў у закрытым рэжыме.
Праўладны паблік, блізкі да сілавікоў, паведамляе, выкарыстоўваючы мову нянавісці і абразы, што разглядаецца пытанне ўзбуджэння крымінальнай справы ў дачыненні да святара. Яго могуць абвінаваціць у закліках да ўдзелу ў дэманстрацыях у 2020 годзе. У публікацыі прыводзяцца паведамленні з Телеграм-чата, якія нібыта пісаў ксёндз Андрэй. У гэтых паведамленнях выказваецца меркаванне аб тым, што адбываецца.
Вернікі працягваюць маліцца за святара і спадзяюцца, што ён выйдзе на волю пасля 15 сутак ізалятара. Калі справу ўсё ж завядуць – гэта будзе першы палітычна матываваны крымінальны пераслед у дачыненні да каталіцкага святара. Нагадаем, раней святароў у Беларусі затрымлівалі і судзілі па адміністрацыйных артыкулах.
Related items
- Не святар: разабралі памылковую інфармацыю пра затрыманне верніка ў Омску
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- Папа Рымскі прыняў у Ватыкане шамана – той папрасіў аб дапамозе
- У Беларусі ўвялі Дзень цяжарных: хто ініцыятар і чаму такія даты