Касцёл святога Барталамея ў Вільні будзе цалкам беларускім
- Written by katolik-gomel.by
- Published in Царква
- Add new comment
27 лютага дапаможны віленскі каталіцкі біскуп Арунас Панішкайціс прыняў у сябе прадстаўнікоў беларускіх грамадскіх арганізацый Вільні.
Падчас аўдыенцыі біскуп зазначыў, што касцёл святога Барталамея мусіць стацца толькі беларускім і набажэнствы ў ім будуць адбывацца толькі па-беларуску. Зараз галоўная задача — знайсці для гэтай мэты адпаведнага душпастыра. Біскуп паабяцаў для гэтага ўсё зрабіць. Ён таксама перадаў словы прывітання і падтрымкі ад віленскага мітрапаліта Гінатараса Грушаса, які цалкам падзяляе гэту пазіцыю і таксама паабяцаў зрабіць усё, каб беларусы ў Віленскай архідыяцэзіі мелі магчымасць да паўнавартаснага беларускага рэлігійнага жыцця, паведамляе Крыніца.інфо са спасылкай на westki.info.
Арунас Панішкайціс паведаміў, што яму вельмі падабаецца беларуская мова, якую ён пакуль не цалкам разумее. Біскуп паабяцаў больш дэталёва заняцца беларускай мовай і гісторыяй Беларусі, падрабязна распытаў пра беларускія арганізацыі Вільні, іх жыццё і дзейнасць.
Related items
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла