Ватыкан ў ААН заклікаў дапамагчы Украіне
- Written by katolik-gomel.by
- Published in Царква
- Add new comment
Поўная рэалізацыя усімі бакамі "Мінскіх пагадненняў" з'яўляецца перадумовай далейшых намаганняў.
26 сакавіка 2015 г. Прадстаўнік Апостальскай Сталіцы пры арганізацыях ААН у Жэневе арцыбіскуп Сільвана Тамазі выступіў на 25-й сесіі Рады па правах чалавека з заявай адносна сітуацыі ва Украіне. Ён пацвердзіў блізкасць Святога Пасада да ўкраінскага народа і падкрэсліў неабходнасць выканання міжнароднага права адносна тэрыторыі і меж Украіны з мэтай забеспячэння стабільнасці на нацыянальным і рэгіянальным узроўнях, а таксама аднаўлення законнасці і правапарадку ў краіне на аснове поўнага выканання правоў чалавека.
Прадстаўнік Святога Пасада прывітаў крокі, якія прымаюцца для выканання перамір’я – найважнейшай умовы для пошуку палітычных рашэнняў шляхам дыялогу і перамоў. Ён падкрэсліў, што поўная рэалізацыя ўсімі бакамі “Мінскіх пагадненняў” з’яўляецца перадумовай далейшых намаганняў, накіраваных на паляпшэнне гуманітарнага становішча і сітуацыі з выкананнем правоў чалавека на пацярпелых тэрыторыях, спыненне чалавечых ахвяр, насілля і іншых формаў злачынства. Арцыбіскуп Тамазі падкрэсліў неабходнасць вызвалення закладнікаў і гарантыі бесперашкоднага перамяшчэння тых, хто аказвае гуманітарную дапамогу.
Акрамя таго, Святы Пасад занепакоены сацыяльным становішчам у пацярпелых рэгіёнах, насельніцтва якіх пакутуе ад беднасці, голаду, небяспекі і рызыкі для здароўя. Прадстаўнік Апостальскай Сталіцы пацвердзіў прыхільнасць аказанню дапамогі ў гэтай надзвычайнай сітуацыі і звярнуўся да дабрачынных арганізацый Каталіцкага Касцёла з просьбай пашыраць намаганні па аказанні падтрымкі народу Украіны.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні