Ватыкан ініцыяваў сустрэчу кіраўнікоў гарадоў Еўропы

Май 30, 2016
Written by katolik-gomel.by
Published in Царква
Add new comment

Форум пройдзе на тэму прыняцця мігрантаў і дапамогі ім.

Апостальская Сталіца рыхтуе сустрэчу высокіх прадстаўнікоў адміністрацый еўрапейскіх гарадоў, прысвечаную пастаянна растучай міграцыі. Аб гэтым заявіў журналістам у часе свайго візіту ў Мадрыд біскуп Марсэла Санчэс Саронда, канцлер дзвюх Папскіх акадэмій: навук і сацыяльных навук. Іерарх прымае ўдзел у падрыхтоўцы гэтага выключнага мерапрыемства.

Біскуп Саронда адзначыў вялікае значэнне гэтай сустрэчы для мірнай будучыні еўрапейскага кантынента, а таксама звярнуў увагу на патрэбу ў распрацоўцы гарадамі Еўропы супольнай палітыкі прыняцця мігрантаў і правіл аказання ім неабходнай дапамогі.

Дата правядзення ватыканскага форума яшчэ не вызначана. На дадзены момант працягваюцца перамовы з кіраўнікамі гарадскіх адміністрацый.

be.radiovaticana.va

Tagged under

Related items