Адзначыць Дзень святога Валянціна запрашаюць у Смалявічы
- Written by katolik-gomel.by
- Published in Царква
- Add new comment
Усіх закаханых чакаюць на свяце ў касцёле.
14 лютага Каталіцкая царква адзначае Дзень святых Кірылы і Мяфодзія, асветнікаў славян і заступнікаў Еўропы. Аднак тая ж дата больш вядомая ў свеце як Дзень святога Валянціна або Дзень усіх закаханых. Сапраўды, на 14 лютага ў Касцёле таксама прыходзіцца ўспамін каталіцкага святога Валянціна, біскупа і мучаніка.
Пра гэтага святога захавалася вельмі мала звестак. Ён быў біскупам у італьянскім горадзе Церні, дзе каля 268 года прыняў пакутніцкую смерць, абставіны якой не вядомыя. Паводле легенды, тагачасны імператар лічыў, што самотны мужчына - без сям'і, жонкі і абавязкаў - лепш змагаецца на поле бітвы, і забараніў мужчынам жаніцца. Святы Валянцін употай асвячаў шлюбы, за што яго кінулі ў турму і адсеклі галаву.
У Беларусі ёсць толькі адна парафія святога Валянціна - у Смалявічах Мінскай вобласці. І ў нядзелю, 12 лютага, тут адзначаецца парафіяльная свята, якое пачнецца ў 9.30 святой Імшой. А затым у ніжнім касцёле свята ў гонар святога Валянціна працягнецца забаўляльнай праграмай і сустрэчай за сталом. Запрашаюцца ўсе закаханыя!
Чытайце таксама: Як адзначаць Дзень святога Валянціна па-хрысціянску? [+ малітва да святога]
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле