На Вялікдзень у Росі невядомыя апаганілі старажытны касцёл
- Written by katolik-gomel.by
- Published in Царква
- Add new comment
Надпісы выдалілі, распачата крымінальная справа.
Раніцай 16 красавіка, калі католікі святкавалі Вялікдзень, на сцяне капліцы касцёла Святой Тройцы ў гарадскім пасёлку Рось Ваўкавыскага раёна выявілі надпісы апаганьваючага характару. Па факце хуліганскіх дзеянняў раённы аддзел Следчага камітэта распачаў крымінальную справу, паведаміў афіцыйны прадстаўнік УСК па Гродзенскай вобласці Сяргей Шаршаневіч.
- Следчыя агледзелі месца здарэння, дапыталі сведак. Прызначаны некалькі экспертыз па выяўленых слядах, праведзены іншыя працэсуальныя дзеянні. Накіравана даручэнне органам унутраных спраў на правядзенне аператыўна-вышуковых мерапрыемстваў для ўстанаўлення падазраванай асобы, - распавёў прадстаўнік УСК, адзначыўшы, што ўсе надпісы былі аператыўна выдаленыя.
Каталіцкі храм у пасёлку Рось адносіцца да Ваўкавыскага дэканату Гродзенскай дыяцэзіі. Гэта помнік архітэктуры ў стылі класіцызм, пабудаваны ў 1807 годзе. Храм уключаны ў Дзяржаўны спіс гісторыка-культурных каштоўнасцяў Рэспублікі Беларусь.
Касцёл у Росі вядомы не толькі ў Беларусі. Славіцца ён цудоўнай фігурай Ісуса Журботнага. Менавіта ў Росі таксама штогод праходзяць рэкалекцыі, прысвечаныя ўнутранаму, перш за ўсё духоўнаму, але і фізічнаму аздараўленню. Пробашчам тут служыць экзарцыст Гродзенскай дыяцэзіі кс. Чэслаў Паўлюкевіч.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле