Касцёл у Беларусі выступіў за падпісанне дамовы з дзяржавай

Падчас 65-га пленарнага пасяджэння Канферэнцыі каталіцкіх біскупаў Беларусі іерархі выказаліся за неабходнасць юрыдычнага ўрэгулявання стасункаў паміж Каталіцкай Царквой у Беларусі і дзяржавай для больш эфектыўнага супрацоўніцтва дзеля духоўнага дабра беларускага народа, паведамляе Сatholic.by.

Нагадаем, нядаўна мітрапаліт Тадэвуш Кандрусевіч выступіў з дакладам у Акадэміі кіравання пры Прэзідэнце, у якім казаў пра неабходнасць падпісання канкардату.