Касцёл у Івянцы абакраў... памочнік пробашча

Лістапад 8, 2017
Written by katolik.life
Published in Царква
Add new comment

Зламыснікам аказаўся раней судзімы мужчына.

У гарадскім пасёлку Івянец Валожынскага раёна з каталіцкага храма Святога Арханёла Міхаіла скралі музычную апаратуру. Злодзея неўзабаве знайшлі - ім аказаўся 33-гадовы работнік касцёла, памочнік пробашча. Падазраваны пакуль адпушчаны пад абавязацельства аб яўцы, паведамляецца ў сацсетках са спасылкай на раённы аддзел Следчага камітэта.

У міліцыю заявілі аб крадзяжы, калі ў «белым касцёле» Івянца выявілі прапажу дарагіх узмацняльнікаў гуку, некалькіх мікрафонаў і кабеляў. Затрыманы па гарачых слядах зламыснік аказаўся ўжо не раз асуджаным, у тым ліку за крадзеж. Скрадзенае ўдалося своечасова вярнуць.

Каталіцкія храмы ў апошнія гады не раз абкрадалі - у тым жа Валожынскім раёне, у Гродне, у Свіслачы. А ў Дзятлаўскім раёне каталіцкі святар затрымаў злодзея ў сваім доме на Вялікдзень.

Tagged under

Related items