Першы ў Беларусі помнік Бібліі ўсталявалі ў Брэсце
- Written by Katolik.life
- Published in Царква
- Add new comment
Ініцыятыва прымеркавана да 500-годдзя беларускага кнігадрукавання.
У беларускім Брэсце ўсталявалі помнік Бібліі. Нагадаем, быў аб'яўлены адкрыты конкурс на распрацоўку эскізнага праекта. Помнік прысвечаны выдадзенай у 1563 годзе Брэсцкай Бібліі, ініцыятыва прымеркавана да 500-годдзя беларускага кнігадрукавання, якое адзначаюць у 2017 годзе.
Помнік Брэсцкай Бібліі ўсталявалі ў абласным цэнтры на скрыжаванні вуліц Пушкінская і Кірава, паблізу абласной бібліятэкі імя. Горкага. Афіцыйнае адкрыццё запланавана 15 снежня.
Брэсцкая біблія, выдадзеная на польскай мове, - самае вялікае па аб'ёме друкаванае выданне ХVI-ХVIІІ стагоддзяў Вялікага Княства Літоўскага, шэдэўр паліграфічнага мастацтва эпохі Рэнесансу. Яна была надрукаваная ў берасцейскай друкарні канцлера Вялікага княства Літоўскага і берасцейскага старасты Радзівіла Чорнага.
Помнікі Бібліі ўжо ўсталяваны ў некаторых хрысціянскіх краінах, у прыватнасці, у Бразіліі і ва Украіне. У суседняй з Беларуссю краіне помнік Бібліі з'явіўся яшчэ ў 2001 годзе ў Ровенскай вобласці на пастаменце, дзе ў савецкі час стаяў манумент Леніна.
Media
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася