Гэта прыгожа: Крыжовы шлях на «Ашмянскую Галгофу» знялі з беспілотніка [відэа]
- Written by Katolik.life
- Published in Царква
- Add new comment
Праз увесь горад мясцовыя католікі нясуць да гары вялізны крыж.
25 сакавіка, калі католікі адзначалі Пальмовую (Вербную) нядзелю, у беларускіх Ашмянах прайшоў незвычайны Крыжовы шлях. Напярэдадні Мукі Пана ашмянская каталіцкая супольнасць святога Арханёла Міхаіла занесла велізарны крыж на мясцовую «Галгофу». У 2018 годзе раённая газета зняла шэсце з квадракоптэра.
Традыцыйна ўжо больш за 20 гадоў Пальмавую нядзелю ў Ашмянах католікі сустракаюць такім асаблівым і выключным чынам - праз увесь горад ідуць да гары, якую мясцовыя завуць Галгофай. Непадалёк ад яе знаходзяцца рэшткі былога францішканскага касцёла.
Напярэдадні свята вырабляюць крыж, вышыня якога перавышае чатыры метры, масай звыш 4 цэнтнераў. Вернікі нясуць яго на плячах, не апускаючы на зямлю. Падчас Крыжовага шляху здзяйсняюць 14 прыпынкаў - столькі ж рабіў Езус падчас свайго ўзыходжання на Галгофу. Мясцовыя жыхары з асаблівай урачыстасцю афармляюць месцы гэтых прыпынкаў: выносяць на вуліцу сталы, засцілаюць іх святочнымі абрусамі, упрыгожваюць абразамі, кветкамі і дыванамі.
За многія гады на «Ашмянскай Галгофе» ўсталявалі ўжо некалькі такіх крыжоў.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу