У Беларусі адкрылася інтэрнэт-крама хрысціянскіх сувеніраў «Добры Пастыр»
- Written by Katolik.life
- Published in Царква
- Add new comment
У ёй можна набыць тавары ад handmade паштовак да сувеніраў для аўто
14 лютага, ва ўспамін св. Кірыла і Мяфодзія, а таксама св. Валянціна, у Беларусі адкрылася новая хрысціянская інтэрнэт-крама Dobry-pastyr.by. У ёй можна набыць розныя хрысціянскія сувеніры, пачынаючы ад handmade паштовак, заканчваючы сувенірамі для аўто.
- Сёння свет вельмі патрабуе сведчання пра Бога, а таксама Яго дабрыні. Так і нарадзілася ідэя гэтай крамы – каб праз прыгожыя дызайнерскія рэчы кожны чалавек мог несці Бога і Яго слова ў сваё штодзённае жыццё, - распавяла Katolik.life стваральніца крамы, каталіцкая верніца Аляксандра Шчыглінская. - Назва «Добры Пастыр» менавіта аб гэтым і гаворыць: пра дабрыню Бога, з якой прагне сустрэцца кожны чалавек. Дабрыня - гэта мова, якую пачуе глухі і ўбачыць сляпы, і менавіта гэтая мова здольная крануць сэрца любога чалавека.
На сённяшні дзень у краме можна набыць:
- календары з біблійнымі цытатамі і каталіцкімі традыцыямі, якія дапамогуць планаваць свой час разам з Богам;
- вокладкі для пашпартоў з хрысціянскай сімволікай, якія будуць нагадваць аб сапраўдным грамадзянстве ў Небе;
- рамкі для нумароў аўто з хрысціянскімі надпісамі;
- бланкі для запісаў;
- блакноты Handmade;
- упрыгожванні і інш.
Усе рэчы можна замовіць і атрымаць праз пошту. У краме дзейнічаюць таксама і акцыі з нагоды адкрыцця - першым 10-ці пакупнікам праз сайт дыск з хрысціянскімі спевамі ў падарунак.
Таксама пры набыцці любога тавару ў замову будзе пакладзены невялічкі скрутак з цытатай са Святога Пісання - нават калі вы даўно не чыталі Біблію, то можа быць, менавіта гэтае слова абудзіць вас да жадання больш блізкіх адносінаў з Богам і адновіць вашу надзею на Яго дабрыню.
Related items
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь
- У капелюшы і са сцягам: штучны інтэлект намаляваў уваскрослага Хрыста ў Беларусі
- Флэшмоб This is Belarus сабраў 100 тысяч фота і відэа – таксама з Будслава
- Месяцовае і сонечнае гало назіралі беларусы ў Вялікі тыдзень