Ратавальнікі ў Іўі пачалі адзначаць прафесійнае свята ў касцёле
- Written by KATOLIK.LIFE
- Published in Царква
- Add new comment
Супрацоўнікі РАНС сабраліся на святой Імшы
25 ліпеня ў Беларусі адзначаецца Дзень пажарнай службы. Іўеўскі раённы аддзел па надзвычайных сітуацыях распачаў святкаванне свайго прафесійнага свята святой Імшой. Служба адбылася раніцай 24 ліпеня па ініцыятыве супрацоўнікаў Іўеўскага РАНС. У касцёле маліліся за ўвесь калектыў пажарнай службы, а таксама за тых, хто аддаў усё свае жыццё службе і ратунку людзей.
На Імшы прысутнічалі пажарнікі не толькі з Іўя, але і з усяго раёну. З боку пробашча парафіі, ксяндза Яна Гавецкага, гучалі шматлікія словы падзякі за іх службу, адзначаецца на старонцы Іўеўскага дэканату.
Там дадалі, што калектыў РАНС не першы раз завітаў у святыню. Штогод ратавальнікі збіраюцца на супольную малітву ва ўспамін свайго апекуна, Святога Фларыяна. Таксама яны заўсёды адклікаюцца на просьбу аб дапамозе пры добраўпарадкаванні касцёла і арганізацыі розных мерапрыемстваў.
Media
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле