«Углядаюся ў твары сукамернікаў і наглядчыкаў». Ліст святара з-за кратаў
- Written by KATOLIK.LIFE
- Published in Царква
- Comments (1)
Кс. Вячаслаў Барок павінен выйсці на волю 13 снежня
Рыма-каталіцкі святар Вячаслаў Барок, які знаходзіцца ў віцебскім ізалятары па пастанове суда, даслаў ліст хрысціянскаму блогеру Арцёму Ткачуку. Вернік працытаваў некалькі радкоў з ліста.
- Пакуль за кратамі, цешуся спатканнем з кожным чалавекам. Углядаюся ў твары сукамернікаў і наглядчыкаў, шукаючы ў іх вобраз Хрыста, каб самому не размінуцца з Божым Сынам, які стаў чалавекам і які ідзе нам насустрач. Гэта мой Адвэнт. Маё чаканне свята Божага Нараджэння, - піша кс. Вячаслаў.
І яшчэ некалькі цытат: «Малюся, прапаведую, не губляю надзеі і радасці, а Бог мне дае ўнутраны супакой». «Кожнае зло мае завяршэнне. Дабро - вечнае».
Таксама святар паведаміў, што за тыдзень атрымаў ужо 22 лісты:
- Пішуць словы ўдзячнасці вернікі ўсіх канфесій, у тым ліку баптысты і праваслаўныя. Атэісты таксама пішуць.
Кс. Вячаслаў павінен выйсці на волю 13 снежня ў 16.35, калі скончацца 10 сутак, на якія суд адправіў яго за краты.
Media
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася