Фэст у Будславе-2022: да чаго заклікаў біскуп + онлайн-трансляцыя
- Written by KATOLIK.LIFE
- Published in Царква
- Add new comment
У Нацыянальны санктуарый пешшу прыбылі пілігрымы з розных куткоў Беларусі
У Будславе распачаліся штогадовыя ўрачыстасці ў гонар цудадзейнага абраза Маці Божай Будслаўскай. 1 ліпеня ў каталіцкі Нацыянальны санктуарый, па традыцыі, прыбылі пілігрымы, у тым ліку - пешшу. Нагадаем, самая працяглая пілігрымка ішла амаль 300 кіламетраў з Баранавічаў на працягу 9 дзён.
Генеральны вікарый Мінска-Магілёўскай архідыяцэзіі біскуп Юрый Касабуцкі напярэдадні звярнуўся да вернікаў на сваёй старонцы ў сацсетцы:
«Дарагія сябры! Набліжаецца Будслаўскі фэст. Запрашаю да ўдзелу ў гэтых святах і жадаю шматлікіх ласкаў Божых усім вам! Няхай Каралева супакою выпрасіць у Бога гэту так патрэбную нам усім ласку - супакой. Няхай як найхутчэй скончыцца ваенная агрэсія супраць украінскага народа, няхай запануе супакой у нашых сем'ях і нашых сэрцах».
На канале Catholic.by вядзецца онлайн-трансляцыя ўрачыстасцяў. Спачатку адбылася святая Імша для пілігрымаў, якую цэлебраваў Генеральны вікарый Мінска-Магілёўскай архідыяцэзіі біскуп Аляксандр Яшэўскі. У прамым эфіры можна назіраць за працэсіяй і святой Імшой апоўначы (1 ліпеня ў 23.30), галоўнай святой Імшой у суботу (2 ліпеня ў 11.00). Таксама пастаянна вядзецца трансляцыя з касцёла. Усе відэа - ніжэй на гэтай старонцы.
Media
Related items
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Ватыкан не паведамляў аб адмове Папы Рымскага ад удзелу ў мірным саміце па Украіне