«Чаму Марадона?» Выгляд новага касцёла ў Віцебску выклікаў дыскусіі сярод вернікаў
- Written by KATOLIK.LIFE
- Published in Царква
- Add new comment
Некаторыя крытыкуюць знешні выгляд храма і фрэскі, іншым - падабаецца. Ацаніце і вы
Біскуп Віцебскі Алег Буткевіч 9 ліпеня пасвяціў новы рыма-каталіцкі храм у абласным цэнтры - касцёл святога Ігнацыя Лаёлы. Будынак і знешне, і знутры адрозніваецца ад храмаў, якія мы прывыклі бачыць - гэта комплекс з парафіяльным домам і кляштарам. На незвычайны выгляд новай святыні, будаўніцтвам якой займаліся айцы езуіты, звярнуў увагу і біскуп - паводле яго, касцёл не падобны на музей, таму «людзі будуць прыходзіць сюды не за эстэтычнай асалодай, а таму, што тут іх чакае Асоба, якая іх вельмі моцна любіць».
Аднак у часткі вернікаў знешні выгляд комплекса, куратарам праекту якога стаў айцец Клеменс Верт SI, выклікаў крытыку і дыскусіі. Таксама як і фрэскі аўтарства вядомага мастака Уладзіміра Кандрусевіча.
Дарэчы, у Віцебску ёсць яшчэ адзін касцёл з незвычайным афармленнем - яго аздабляў той жа мастак (анёл з гітарай і Пуцін на каленях - чым здзівіў свет касцёл у Віцебску). А на фрэсках у новым касцёле пазналі знакамітага футбаліста Дыега Марадону, якому Папа Рымскі ўмывае ногі.
Фота: Сяржук Серабро і vitbichi.by
Media
Related items
- Ці ўступаць у піянеры, спыталі ў вернікаў – частка адказаў здзівіла
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Флэшмоб This is Belarus сабраў 100 тысяч фота і відэа – таксама з Будслава