Цяпер і ў Беластоку. Ужо ў 7 гарадах Польшчы праводзяць святую Імшу па-беларуску
- Written by KATOLIK.LIFE
- Published in Царква
- Add new comment
Для беларускіх мігрантаў-католікаў служаць святары-беларусы і польскія святары, якія раней служылі ў Беларусі
У сувязі з масавай міграцыяй беларусаў у Польшчу, якая адбываецца на працягу апошніх двух гадоў, усё ў большай колькасці польскіх гарадоў пачынаюць ладзіць святую Імшу на беларускай мове. З першай нядзелі Адвэнта, 27 лістапада, пачнуцца беларускія Імшы ў Беластоку, а ўжо цяпер існуюць душпастырствы беларусаў у Варшаве, Кракаве, Вроцлаве, Лодзі, Гданьску і Любліне.
На старонцы душпастырства беларусаў у Варшаве пералічаны гарады, час і месца правядзення беларускамоўных Імшаў. У самой польскай сталіцы Эўхарыстыя на-беларуску цэлебруецца ў 11.30 і 18.00 ў нядзелю і ўрачыстасці, таксама а 18-й гадзіне па панядзелках і чацвяргах.
Як правіла, для беларускіх мігрантаў у Польшчы служаць святары-беларусы і польскія святары, якія раней служылі ў Беларусі.
Дарэчы, 18 лістапада адбылася сустрэча старшыні Рады епіскапату Канферэнцыі па справах мігрантаў, турызма і пілігрымак біскупа Кшыштафа Задаркі з душпастырамі супольнасцяў мігрантаў у Польшчы.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў