Свята Першай Камуніі адзначаюць у касцёлах. Як гэта было ў Пінску – відэа
- Written by KATOLIK.LIFE
- Published in Царква
- Add new comment
«Калі б анёлы маглі зайздросціць, яны зайздросцілі б нам у прыняцці святой Камуніі», – пісала святая Фаўстына Кавальская.
Традыцыйна на працягу траўня ў каталіцкіх парафіях адбываюцца святы Першай Святой Камуніі. Падчас урачыстых святых Імшаў упершыню прымаюць Цела Хрыстова дзеці, якія рыхтаваліся да гэтай падзеі на працягу некалькіх гадоў катэхезы ў Нядзельных школах. Гэтаму папярэднічаюць іспыты на веданне асноваў хрысціянскай веры і сакрамэнт пакаяння – першая споведзь.
Дзеці апранаюць белае адзенне як сімвал чысціні і святасці. Яны трымаюць у руках запаленыя свечкі – знак Хрыста як Святла да свету і арыенціра ў сваім жыцці.
«Калі б анёлы маглі зайздросціць, яны зайздросцілі б нам у прыняцці святой Камуніі, у якой Бог цесна звязаны са сваім стварэннем. У такую цесную сувязь Ён не ўваходзіць нават з анёламі», – пісала святая Фаўстына Кавальская ў сваім «Дзённіку».
Як адбывалася свята Першай Святой Камуніі ў пінскай катэдры Унебаўзяцця Найсвяцейшай Панны Марыі, паказалі ў парафіяльным Instagram. Сёлета тут упершыню сустрэліся з Езусам Хрыстом у Эўхарыстыі 11 дзяцей. Урачыстую цэлебрацыю святой Імшы ўзначаліў біскуп Пінскі Антоні Дзям'янка.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная