Беларускія праваслаўныя Вільні адзначаць Дзяды ўшанаваннем ахвяр рэпрэсій
- Written by KATOLIK.LIFE
- Published in Царква
- Add new comment
Вернікі прыбяруць могілкі беларускіх дзеячаў, прачытаюць вершы расстраляных паэтаў.
Праваслаўныя вернікі з Беларусі, якія цяпер жывуць у Вільні, рыхтуюцца да Бацькоўскай суботы або да Дзядоў, як называюць у народзе дзень ушанавання памяці продкаў і малітвы за спачылых. Па праваслаўным календары сёлета гэта 28 кастрычніка.
«У гэты дзень будзем служыць заўпакойную літургію. У нядзелю 29 кастрычніка на Літургіі будзем памінаць «расстраляных паэтаў», а таксама ўсіх ахвяр бязбожнага камуністычнага рэжыму. На заўпакойнай літургійнай малітве будзем чытаць іх імёны. На паслялітургійнай сябрыне пачытаем вершы забітых Саветамі паэтаў», – паведаміў на сваёй старонцы протаіерэй Георгій Рой.
Таксама ён звярнуўся з просьбай прыбраць беларускія магілы на Віленскіх могілках:
«Наша грамада бярэ пад увагу Ефрасіннеўскія могілкі, дзе пахаваны шэраг беларускіх дзеячаў і выбітных асобаў нашай гісторыі. Было б правільна і добра запаліць на беларускіх пахаваннях памінальныя знічы».
На прыбіранне могілак запрашаюць у суботу 21 кастрычніка. Час і месца збору талакі – а 12-й гадзіне на ніжняй паркоўцы каля Ефрасіньеўскіх могілак.
Наш канал в Telegram – только интересное и важное. Подписаться >
Тым часам беларуская каталіцкая супольнасць у Вільні штогод ладзіць добраўпарадкаванне беларускіх пахаванняў у Вільні і ваколіцах – як каталіцкіх, так і праваслаўных, паведамілі Katolik.life у беларускай парафіі святога Барталамея.
Related items
- Над дамамі і храмамі: здымкамі яркага палярнага ззяння дзеляцца ў сетках
- Святары з Шуміліна застаюцца ў зняволенні, таксама арыштавана парафіянка
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам