«Лепельскі Леанарда да Вінчы» стварыў карціну да 420-годдзя касцёла
- Written by KATOLIK.LIFE
- Published in Царква
- Add new comment
Старшыня райвыканкама асабіста павіншаваў католікаў з юбілеем і прысутнічаў на Імшы.
Копія «Апошняй Вячэры» ўпрыгожыць алтар касцёла Святога Казіміра ў Лепелі. 3 сакавіка мясцовая рыма-каталіцкая парафія адзначыла юбілей – 420-годдзе асвячэння храма. Да гэтай падзеі мясцовы мастак Аляксандр Саўчанка напісаў копію знакамітай работы Леанарда да Вінчы, паведаміў Лепельскі райвыканкам.
Мяркуючы па апублікаваных фота, карціна з'яўляецца не зусім копіяй, а, хутчэй, аўтарскай інтэрпрэтацыяй фрэскі вядомага мастака эпохі Адраджэння. Аляксандр Саўчанка выкладае ў мясцовай школе мастацтваў, ён і раней удзельнічаў у афармленні абразамі лепельскага касцёла. Над «Апошняй Вячэрай» працаваў на працягу паўгода, дадалі ў газеце «Лепельскі край».
Цэлебрацыю святочнай Імшы ўзначаліў біскуп Віцебскі Алег Буткевіч. На службе прысутнічаў старшыня райвыканкама Міхаіл Кісялевіч, які асабіста павіншаваў парафію з юбілеем.
Першы каталіцкі храм Святога Казіміра ў Лепелі, пабудаваны па даручэнні Льва Сапегі, быў асвечаны ў 1604 годзе. Храм перажыў два пажары, таму ў сярэдзіне XIX стагоддзя быў узведзены новы касцёл, які ўпрыгожвае горад і цяпер.
Наш канал в Telegram – только интересное и важное. Подписаться >
Media
Related items
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле