Як спёку перажываюць пілігрымы ў Будслаў: вада, марозіва, малітва
- Written by KATOLIK.LIFE
- Published in Царква
- Add new comment
У дні фэсту ў Будславе, 3-4 ліпеня, чакаюцца дажджы і прахалода.
Пад пякучым сонцам і тэмпературай паветра звыш 30 градусаў працягваюць шлях пілігрымы, якія ідуць у Будслаў. Як яны перажываюць спёку ў дарозе, паглядзелі на старонках удзельнікаў пілігрымак у сацсетках.
На фота і відэа відаць, што паломнікі абліваюць адзін аднаго вадой, многія ідуць не толькі ў панамках, але і з хусткамі, каб не апаліць шыю і плечы. Перад выхадам у дарогу – мажуцца крэмамі. Арганізатары ратуюць пілігрымаў марозівам, якое час ад часу падвозяць проста на трасу.
Цяпер у Будслаў ідуць ужо каля 10 пілігрымак з розных месцаў Беларусі. 29 чэрвеня выправіліся ў шлях паломнікі з Мінска і Полацка, прычым апошнія, замест спёкі, трапілі раніцай под дождж.
Паводле прагнозу надвор'я спёка пратрымаецца да серады, затым пачнуцца ападкі, і ў дні фэсту ў Будславе, 3-4 ліпеня, таксама чакаюцца дажджы і прахалода.
Media
Related items
-
Першыя пілігрымкі выйшлі ў Будслаў: яны будуць ісці пешшу 9 дзён
-
Новы трэнд: яшчэ адзін блогер прадставіўся святаром. Гэтым разам – у Беларусі
-
Быць знакам надзеі і прымірэння – у Царкве патлумачылі сэнс акцый у гадавіну вайны
-
Будслаў-2026: калі будзе фэст, праграма, асаблівасці
-
Дзеля пілігрымкі прапусціла выпускны – ці не пайсці зноў? Беларуска задалася пытаннем пра паломніцтвы ў Будслаў