У Беларусі ўпершыню пройдзе міжнародны аўтапрабег Ананімных Алкаголікаў
- Written by gomel.catholic.by
- Published in Навіны - Гомель
- Comments (1)
У Гомелі ды іншых гарадах правядуць круглыя сталы з удзелам святароў, лекараў, сацработнікаў і прадстаўнікоў улады.
Па дасягнутай папярэдняй дамоўленасці, у сакавіку ў Беларусь прыедуць з аўтапрабегам каля 20 членаў супольнасці Ананімных Алкаголікаў з Кіева. На беларуска-ўкраінскай мяжы да гасцей плануюць далучыцца на сваіх машынах мясцовыя сябры АА.
Аўтапрабег пройдзе праз Гомель, Магілёў, Віцебск, Мінск і раённыя цэнтры, дзе збіраюцца групы Ананімных Алкаголікаў. Удзельнікі аўтапрабегу плануюць правесці ў кожным горадзе круглыя сталы з лекарамі, святарамі, сацыяльнымі работнікамі і прадстаўнікамі ўлады з мэтай данесці ідэі АА па рашэнні праблем алкагалізму. Таксама ўдзельнікі аўтапрабегу наведаюць мясцовыя наркалогіі.
Ва Украіне правядзенне такіх акцый ужо стала традыцыяй. Аўтапрабег па Беларусі пройдзе ўпершыню.
У Гомелі АА ладзяць рэгулярныя сустрэчы ў саццэнтрах і рыма-каталіцкай царкве. Пры падтрымцы такіх груп узаемадапамогі алкаголікі са стажам застаюцца цвярозымі ўжо на працягу многіх гадоў.
Чытайце таксама ўсе навіны пра гомельскіх Ананімных Алкаголікаў >>>
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Уразіла міласэрнасць». Што здзівіла ў Беларусі самотнага пілігрыма пасля Кітая і ЗША
- Беларусы Вільні маліліся на роднай мове ля сусветна вядомага абраза
- Валанцёры і вернікі адвезлі 100 кг перадач арыштаваным за кветкі Навальнаму
- Паміж Instagram і TikTok – 7 хвілін цішыні. Крыху пра асабістае