Вялікі Пасхальны канцэрт далі лепшыя музыкі Гомеля - ФОТА, ВІДЭА
- Written by katolik-gomel.by
- Published in Навіны - Гомель
- Add new comment
У касцёле прагучалі творы класічнай музыкі: яшчэ адна магчымасць сустрэцца з Богам.
У нядзелю, 19 красавіка, у гомельскай рыма-каталіцкай царкве прайшоў традыцыйны бясплатны Велікодны канцэрт класічнай музыкі. Яго далі лепшыя музыкі Гомеля, лаўрэаты міжнародных конкурсаў: артысты гомельскага сімфанічнага аркестра і ансамбля «Класік» пад кіраўніцтвам Таццяны Томсан. Канцэрт доўжыўся больш за паўтары гадзіны, выступілі салісты Вольга Кузьменка (вакал), Ганна Славашэвіч (флейта), Дзмітрый Міроненка (акардэон), Глеб Гарбатоўскі (скрыпка). Прагучалі творы Э.Баха, Фрыдрыха II, Х.Глюка, К.Ельскага, Дж.Ласта, Й.Штрауса.
- Большасць аўтараў гэтай выдатнай музыкі - веруючыя людзі, якія атрымалі натхненне ад Госпада на стварэнне гэтых твораў, і праз іх мы маем яшчэ адну магчымасць сустрэцца з Богам, - адзначыў пробашч парафіі айцец Славамір Ласкоўскі.
Нагадаем, музыкі ўжо шмат гадоў бясплатна выступаюць у каталіцкай царкве з Каляднымі і Велікоднымі канцэртамі.
Media
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла