Пяты гамяльчанін стане каталіцкім святаром
- Written by katolik-gomel.by
- Published in Навіны - Гомель
- Add new comment
Пасвячэнне Віктара Прыходзька адбудзецца ў Жытоміры 25 чэрвеня.
Вернік гомельскай каталіцкай царквы Віктар Прыходзька, які цяпер вучыцца на 6-м курсе Дыяцэзіяльнай місіянерскай семінарыі «Redemptoris Маter» у Кіеве, будзе пасвечаны ў святары. Нагадаем, у кастрычніку 2015 года гамяльчанін стаў дыяканам.
Святарскае пасвячэнне Віктара Прыходзька, які знаходзіцца на Нэакатэхуменальным шляху, прызначанае на 25 чэрвеня 2016 года і адбудзецца ў Жытоміры. У гэты дзень гомельскія католікі адправяцца ва Украіну, каб прысутнічаць пры гэтай важнай падзеі і павіншаваць Віктара. У той жа час пробашч парафіі нагадвае аб правіле, якое існуе ў Каталіцкай царкве: калі хто-небудзь ведае аб перашкодах для прыняцця сану святара Віктарам Прыходзька, павінен паведаміць пра гэта ў парафіяльнае бюро.
Віктар Прыходзька будзе пятым гомельцам, які стаў каталіцкім святаром. Пакуль з гомельскай рыма-каталіцкай парафіі, утворанай каля 25 гадоў таму, выйшлі ўжо чатыры каталіцкіх святара. Гэта Павел Халяўкін, а таксама чальцы Нэакатэхуменальных суполак Аляксандр Каліноўскі, Аляксандр Драбышэўскі і Генадзь Казлоў. Нядаўна на першы курс семінарыі ў Кіеве паступіў яшчэ адзін гомелец.
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная