У Жыткавічах біскуп Велікаселец асвяціў нядаўна пабудаваны каталіцкі храм [фота]
- Written by katolik-gomel.by
- Published in Навіны - Гомель
- Comments (2)
«Мы - дзеці Бога, і на Яго любоў адказваем любоўю, таму будуем храмы, прыходзім на Імшу. І ў гэтым наша сіла».
13 кастрычніка ва ўрачыстай абстаноўцы ў палескім райцэнтры Жыткавічы прайшла кансэкрацыя касцёла Святога Язэпа. Нядаўна пабудаваны каталіцкі храм асвяціў дапаможны біскуп Пінскай дыяцэзіі Казімір Велікаселец. На свяце сабраліся вернікі, святары, а таксама прыехалі нямецкія спонсары, айцец Frank Mathiowetz і Stefan Zenfuss. Пробашч парафіі айцец Віталь Мысонаў асабіста акампанаваў на аргане.
- Калі людзі Старога Запавету ўжо стараліся узносіць хвалу Богу, пабудавалі ў Ерусаліме храм у Яго гонар, то тым больш гэта робяць хрысціяне. Вучні Хрыста збіраліся, каб здзяйсняць Таемную вячэру, Эўхарыстыю. І калісьці ў Еўропе селішчу не давалі адміністрацыйнай адзінкі да таго часу, пакуль у ім не пабудуюць царкву. Аснова цывілізацыі Еўропы - гэта хрысціянства. На нашай цудоўнай беларускай зямлі было знішчана столькі шэдэўраў архітэктуры, якія б ўпрыгожвалі зараз нашу зямлю, - сказаў біскуп. - І там, дзе ёсць група вернікаў, якія б хацелі ўдзельнічаць у нядзельнай службе, мы заўсёды імкнемся пабудаваць капліцу ці храм. Вось і ў Жыткавічах саспела такая неабходнасць. Спачатку людзі маліліся ў маленькай капліцы, але за некалькі гадоў з дапамогай спонсараў тут пабудавалі касцёл. Мы - дзеці Бога, і на Яго любоў адказваем любоўю, таму будуем храмы, прыходзім на Імшу. І ў гэтым наша сіла.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?