У Гомелі пачаў служыць дыякан з Пінскай семінарыі
- Written by katolik-gomel.by
- Published in Навіны - Гомель
- Comments (1)
Клерык будзе дапамагаць адзінаму ў абласным цэнтры святару.
У гомельскі касцёл 3 ліпеня прыбыў дыякан Андрэй Багдановіч, студэнт Пінскай семінарыі. У Гомель яго накіраваў біскуп Антоні Дзям'янка для дапамогі адзінаму ў абласным цэнтры святару Юрыю Варанко (нагадаем, у канцы траўня Гомель пакінуў ранейшы пробашч кс. Славамір Ласкоўскі).
Малады семінарыст будзе дапамагаць у парафіі, у душпастырскіх справах, у дзейнасці дабрачыннай каталіцкай місіі «Карытас-Міласэрнасць».
Дыякан Андрэй ужо прыязджаў у Гомель і знаёмы мясцовым католікам. У Пінскай дыяцэзіі семінарыста добра ведаюць па яго ўдзелу і дапамозе ў правядзенні пешых пілігрымак і працы з моладдзю. Плануецца, што восенню дыякан Андрэй прыме святарскае пасвячэнне.
Last modified onПанядзелак, 03 Ліпень 2017 04:24
Related items
-
«Сустрэліся два энерджайзеры». Незвычайную пару абвянчаў біскуп
-
Стаў вядомы загадкавы «Асаблівы госць» Юбілею моладзі ў Брэсце
-
У Будславе і Барысаве прадставілі новых пробашчаў
-
Экс-пробашча Чырвонага касцёла ў Мінску скіроўваюць на служэнне ў Барысаў
-
Рэкордная колькасць хлопцаў залічана сёлета ў каталіцкую семінарыю ў Беларусі