Чаму спілавалі дрэвы на «Сонечнай»? На гэтым участку пабудуюць касцёл
- Written by Katolik.life
- Published in Навіны - Гомель
- Comments (3)
Замест 101 знесенага дрэва пасадзяць 270, а будаваць храм будуць выключна на сродкі парафіі і спонсараў.
Многія гомельцы ўжо заўважылі, што на скрыжаванні праспекта Рэчыцкага і вуліцы Аб'язной камунальныя службы знеслі дрэвы. Такім чынам расчышчаюць участак, які Гомельскі гарвыканкам выдзеліў каталіцкай парафіі для будаўніцтва храма. Касцёл Унебаўзяцця Найсвяцейшай Панны Марыі будзе другім каталіцкім храмам у Гомелі. У адным касцёле на вуліцы Савецкай для ўсіх гомельскіх католікаў не хапае месцаў, асабліва на святы, да таго ж тым вернікам, якія жывуць у Савецкім раёне, далёка дабірацца ў цэнтр горада.
Новы касцёл, пабудаваны ў стылі неаготыкі, упрыгожыць уезд у горад. Таксама ў храме плануецца праводзіць канцэрты арганнай музыкі. Падкрэслім, што новы касцёл будзе будавацца за сродкі парафіі і спонсараў, бюджэт горада на гэта расходавацца не будзе.
На выдзеленым уладамі ўчастку расце шмат дрэваў, таму частку з іх давялося зносіць. Але замест 101 спілаванага дрэва каталіцкая парафія пасадзіць 270 новых дрэваў у Савецкім раёне Гомеля. Месцы для кампенсацыйных пасадак выдзелены ў Заходнім мікрараёне (каля пуцеправода да Сельмашаўскага мікрараёну) і паблізу Гомельскага радыёзавода, распавяла Katolik.life старшыня касцёльнага камітэту Ірына Кончыц.
Знос дрэваў, безумоўна, праходзіў у адпаведнасці з рашэннем гарвыканкама і ўзгоднены з экалагічнымі службамі. Дамова на пасадку дрэваў у 2018 годзе заключана з Гомельскім лясгасам.
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу