Лену Новік, якой збіраў грошы ўвесь Гомель, рыхтуюць да аперацыі ў Германіі
- Written by katolik-gomel.by
- Published in Навіны - Гомель
- Comments (7)
Да акцыі па зборы сродкаў на лячэнне дзяўчынкі далучаліся дарослыя вернікі і дзеці-скаўты.
12-гадовую Лену Новік, якая пакутуе на рак крыві і востра мае патрэбу ў аперацыі па перасадцы касцявога мозгу, ужо даставілі ў нямецкую клініку. Там яе рыхтуюць да аперацыі.
- Дактарамі прызначаны курс хіміятэрапіі, які будзе дастаткова доўгім. Леначка пастаянна займаецца гімнастыкай, каб аднавіць арганізм пасля комы, два месяцы не прайшлі бясследна. Медыцынскі персанал вельмі хваліць дзіцяці за упартасць і сілу духу, бо ў яе цяпер ёсць мара самастойна хадзіць, і яна прыкладае ўсе магчымыя намаганні для яе ажыццяўлення. Леначка ў нас вялікая разумнічка! Умовы ў шпіталі вельмі добрыя, і вельмі падабаюцца дзяўчынцы, яшчэ і таму , што гадзіны наведвання не абмежаваны. На дадзены момант ўсе працэдуры, якія робяць Леначцы ў Аўгсбургу, бясплатныя, і ўсё гэта дзякуючы нашым нямецкім сябрам. Як будзе далей, мы не ведаем... Сама ж аперацыя будзе платнай: клініка «Фрайбург» выставіла папярэдні рахунак у памеры 300 000 эўра, больш дакладны кошт мы пакуль не атрымлівалі, таму арыентуемся на гэтую суму, але ён абавязкова будзе, як толькі арганізм Леначкі адновіцца, - распавяла прыёмная мама Галіна Сандюк.
Збор грошай яшчэ працягваецца, да неабходнай сумы не хапае каля 30 тысяч еўра. Нагадаем, грошы на аперацыю Лене Новік збіралі парафіяне гомельскага касцёла, а таксама мясцовыя скаўты.
Related items
- Ці ўступаць у піянеры, спыталі ў вернікаў – частка адказаў здзівіла
- Пацалунак пад абразом і цягнік з адным вагонам – чым дзеліцца парафія ў глыбінцы
- У Беларусі ўвялі Дзень цяжарных: хто ініцыятар і чаму такія даты
- 9-месячную малітву аб ненароджаных дзецях пачалі ў Звеставанне католікі
- «Даведаўся, што ксёндз мае "жонку" і дзяцей». Што з гэтым рабіць, пытае вернік