Усё брыдкаслоўе - ад дэмана, а хрысціянін кажа чыста!
- Written by gomel.catholic.by
- Published in Хрысціянскае меркаванне
- Add new comment
«Прывялі да Яго глухога, гугняўца, і прасілі Яго ўскласці на яго руку ... І адразу адкрыўся ў яго слых, і разамкнуліся повязі яго мовы, і пачаў гаварыць чыста». У сваім адказе на гэта Евангелле гомельскі пробашч айцец Славамір падкрэсліў: хрысціянін кажа чыста!
Гэта значыць, што брыдкаслоўе не павінна быць у нас на языку. - Усё брыдкаслоўе - ад дэмана. Гасподзь дае толькі добрыя словы. А, бывае, ідзеш па вуліцы і чуеш, як муж з жонкай - прыгожа апранутыя, з дзецьмі - звяртаюцца адзін да аднаго трохпавярховымі фразамі. Але ж нішто дрэннае ня можа ўвайсці ў нас, толькі калі не ляжыць у нашым сэрцы і не зыходзіць з яго. Таму звяртаемся да Хрыста, каб увайшоў у наша сэрца, асвяціў яго самыя цёмныя куткі, даў нам убачыць сябе ў праўдзе. Тое ж датычыцца і рабочых, зваршчыкаў, будаўнікоў, якія прывыклі размаўляць мацюкамі. Так не павінна быць! Калі ты хрысціянін, брыдкаслоўя няма на тваім языку.
Евангелле кажа нам і пра слых. Ён дадзены нам, каб слухаць Бога і адзін аднаго ў сям'і, на працы. І тыя, якіх Гасподзь паставіў начальнікамі, таксама павінны слухаць сваіх падначаленых, унікаць у іх праблемы, - дадаў святар.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам