Хто скраў Раство, распавёў Папа Рымскі
- Written by KATOLIK.LIFE
- Published in Папа Францішак
- Add new comment
Францішак адказаў, як вярнуць свята і сустрэць Божае Нараджэнне па-сапраўднаму
У апошнюю перад Раством, чатвёртую нядзелю Адвэнта, Папа Рымскі Францішак заклікаў вернікаў звярнуць асаблівую ўвагу на бедных і патрабуючых, памятаючы, што менавіта ў іх прысутнічае Езус Хрыстус. 20 снежня на малітве «Анёл Панскі» ў Ватыкане пантыфік заклікаў:
- У гэты вельмі складаны час, замест таго, каб наракаць з прычыны перашкодаў, якія чыніць нам пандэмія, зробім штосьці для тых, хто мае менш чым мы: не чарговы падарунак для нас і нашых сяброў, але для патрабуючага, пра якога не думае ніхто! - цытуе vaticannews.va/be. - І яшчэ адна парада: каб Езус нарадзіўся ў нас, падрыхтуем нашы сэрцы, будзем маліцца, не дазволім спажывальніцтву кіраваць намі… Важным з’яўляецца Езус. Дарагія браты і сёстры, спажывальніцтва скрала ў нас Божае Нараджэнне. Спажывальніцтва не мае нічога супольнага з бэтлеемскімі яслямі: менавіта ў іх можна знайсці рэальнасць, беднасць, любоў. Падрыхтуем нашы сэрцы як Марыя: зробім яго свабодным ад зла, адкрытым, гатовым прыняць Бога.
Папа нагадаў, што Езус прысутнічае ў людзях, якія пакутуюць. Ён пажадаў, каб Божае Нараджэнне стала для вернікаў часам блізкасці да Хрыста ў гэтых братах і сёстрах:
- Менавіта брат, які знаходзіцца ў патрэбе - гэта тыя яслі, да якіх мы павінны скіравацца з салідарнасцю. Гэта жывыя яслі. Яслі, у якім мы па-сапраўднаму сустрэнем Адкупіцеля знаходзяцца ў асобах, якія маюць патрэбу. Будзем жа крочыць у кірунку святой ночы і будзем чакаць спаўнення таямніцы Збаўлення.
Related items
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу