Папа заснаваў кангрэгацыю па справах свецкіх, пытаннях сям'і і жыцця

Кастрычнік 23, 2015
Written by katolik-gomel.by
Published in Папа Рымскі
Add new comment

Яна заменіць сабой дзве цяперашніх Папскіх рады.

На пачатку агульнай кангрэгацыі Сінода Біскупаў у другой палове дня 22 кастрычніка 2015 г. папа Францішак абвясціў аб стварэнні новай дыкастэрыі, якая будзе займацца справамі свецкіх вернікаў, сям’і і абароны жыцця. Яна заменіць сабой Папскую раду па справах свецкіх і Папскую раду па справах сям’і. Таксама Папская акадэмія “Pro Vita” будзе злучана з новай дыкастэрыяй.

Таксама Францішак паінфармаваў Сінадальных Айцоў аб стварэнні спецыяльнай камісіі па рэдагаванні дакументу, у якім будуць акрэслены кананічныя кампетэнцыі новай ватыканскай дыкастэрыі. Ён будзе прадстаўлены для абмеркавання на Радзе кардыналаў па дапамозе Святому Айцу ў кіраванні Касцёлам і падрыхтоўцы праекту рэформы Рымскай курыі, якая збярэцца на сваё чарговае пасяджэнне ў Ватыкане 10-12 снежня 2015 г.

be.radiovaticana.va

Tagged under

Related items