Папа заклікаў маліцца за братоў, якія аддаліліся ад веры
- Written by katolik-gomel.by
- Published in Папа Рымскі
- Add new comment
«Калі хрысціянін смуткуе, значыць, ён аддаліўся ад Ісуса».
Ватыканскі тэлецэнтр распаўсюдзіў праз свой канал у “YouTube” чарговы відэаролік са зваротам папы Францішка, у якім ён паведамляе і тлумачыць сваю евангелізацыйную інтэнцыю на ліпень. Святы Айцец заклікае асаблівым чынам маліцца за людзей, якія аддаліліся ад хрысціянскай веры.
“Не будзем забываць, што крыніца нашай радасці – ў Езусе Хрысце, што Яго любоў нязменная і невычэрпная. Таму, калі хрысціянін смуткуе, значыць, ён аддаліўся ад Езуса”, - звярнуўся Пантыфік да гледачоў. Працягваючы сваё разважанне, Святы Айцец падкрэсліў, што ў такія моманты нельга пакідаць чалавека сам-насам з сабой. “Мы павінны даць яму хрысціянскую надзею, на словах, так, але яшчэ больш сваім прыкладам, сваёй воляй, сваёй радасцю”, - сказаў ён.
Пантыфік запрасіў усіх вернікаў маліцца за “братоў, што аддаліліся ад веры, каб праз нашу малітву і евангелізацыйнае сведчанне змаглі нанова распазнаць прыгажосць хрысціянскай веры”.
Трэба нагадаць, што з 2017 г. на кожны месяц прызначаецца толькі адна папская інтэнцыя – па чарзе – або евангелізацыйная, або агульная. Раней на кожны месяц іх было дзве.
Related items
-
Незвычайна пачалі месяц малітвы Ружанца ў Гудагаі
-
«Дзе няма справядлівасці, няма дзяржавы». Папа Рымскі – пра важныя аспекты жыцця грамадства
-
На новы навучальны год благаславілі ў касцёлах Беларусі – топ-9 фота і відэа
-
Папулярны блогер дапамог свайму сябру, бізнэсоўцу, стаць католікам
-
У Мінску пачалі будоўлю на месцы старых каталіцкіх могілак. У парафіі моляцца аб захаванні астанкаў незвычайнай малітвай