BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Папа заклікаў маліцца за братоў, якія аддаліліся ад веры

«Калі хрысціянін смуткуе, значыць, ён аддаліўся ад Ісуса».

Ватыканскі тэлецэнтр распаўсюдзіў праз свой канал у “YouTube” чарговы відэаролік са зваротам папы Францішка, у якім ён паведамляе і тлумачыць сваю евангелізацыйную інтэнцыю на ліпень. Святы Айцец заклікае асаблівым чынам маліцца за людзей, якія аддаліліся ад хрысціянскай веры.

“Не будзем забываць, што крыніца нашай радасці – ў Езусе Хрысце, што Яго любоў нязменная і невычэрпная. Таму, калі хрысціянін смуткуе, значыць, ён аддаліўся ад Езуса”, - звярнуўся Пантыфік да гледачоў. Працягваючы сваё разважанне, Святы Айцец падкрэсліў, што ў такія моманты нельга пакідаць чалавека сам-насам з сабой. “Мы павінны даць яму хрысціянскую надзею, на словах, так, але яшчэ больш сваім прыкладам, сваёй воляй, сваёй радасцю”, - сказаў ён.

Пантыфік запрасіў усіх вернікаў маліцца за “братоў, што аддаліліся ад веры, каб праз нашу малітву і евангелізацыйнае сведчанне змаглі нанова распазнаць прыгажосць хрысціянскай веры”.

Трэба нагадаць, што з 2017 г. на кожны месяц прызначаецца толькі адна папская інтэнцыя – па чарзе – або евангелізацыйная, або агульная. Раней на кожны месяц іх было дзве.

be.radiovaticana.va

Дадаць каментарый

Ахоўны код
Абнавіць