Папа Рымскі нечакана наведаў параненых украінскіх дзяцей у ватыканскай клініцы
- Written by KATOLIK.LIFE
- Published in Папа Рымскі
- Add new comment
Сярод іх хлопчыкі і дзяўчынкі з рознымі паталогіямі, а таксама маленькія дзяўчынкі з міна-выбуховымі ранамі
Вечарам 19 сакавіка Святы Айцец здзейсніў візіт у ватыканскую педыятрычную клініку Bambino Gesù, каб адведаць украінскіх дзетак, якія былі дастаўлены сюды цягам мінулых тыдняў.
На цяперашні момант у Bambino Gesù шпіталізаваны 19 дзяцей. Сярод іх хлопчыкі і дзяўчынкі з рознымі паталогіямі (анкалагічнымі, неўралагічнымі і іншымі), якія прыбылі ў першыя дні вайны, а таксама маленькія дзяўчынкі з міна-выбуховымі ранамі. Папа адведаў іх усіх у палатах, пасля чаго вярнуўся ў Ватыкан, паведаміла Зала Друку Апостальскай Сталіцы.
Усяго ў ватыканскую клініку прыбыло 50 дзяцей з ахопленай вайной Украіны.
Таксама Францішак скіраваў кароткае пасланне дырэктару Папскага педыятрычнага шпіталя Bambino Gesù, выказваючы падзяку за аказанне дапамогі параненым дзецям з Украіны. “Дзякую за ваша служэнне, міласэрнасць і любоў да ўкраінскіх дзяцей, якія пацярпелі. Я побач з вамі”, - напісаў Святы Айцец.
Media
Related items
-
Рэдкі выпадак: у раённай лякарні адкрылі каталіцкую капліцу – як яна выглядае
-
Асаблівы выпадак: Папскі нунцый ва Украіне маліўся ля стыхійнага мемарыялу і суцяшаў пацярпелых
-
Кадры, якія ўражваюць: грэка-каталіцкая моладзь малілася на месцы гібелі мірных жыхароў у Цярнопалі
-
На выратаванне вядомага касцёла дзяржава так і не знайшла грошай і звярнулася да грамадзян
-
Нечаканыя падрабязнасці руйнавання капліцы на Смаргоншчыне распавёў мясцовы жыхар